الجزء الأول: ليه 6؟
ليه القرءان فيه 114 سورة؟؟ ليه مش 100 مثلا؟
السؤال دا فضل محيرني فترة طويلة جدا وخاصة إن فيه مثلا آيات مكررة، فليه ما تطلعش النسخة النهائية 100 سورة ويكون رقم سهل بالنسبة للعقل البشري عشان من مضاعفات ال10.
| ب | س | م | ا | ل | ل | ه | ا | ل | ر | ح | م | ن | ا | ل | ر | ح | ي | م |
| 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 |
لما بدأت البحث في علاقة ال 19 بالقرءان وخاصة إن فيه ظواهر كتير مرتبطة بالقرءان ليها علاقة بالرقم دا، زي مثلا البسملة 19 حرف، وزي إن القرءان نفسه 114 سورة يعني 19×6.
هنلاحظ إن الرقم 114 هو أول رقم يقابلنا مجموع خاناته 6 ونصه هو 57 ومجموع خاناته : 12 أو 6×2.
وطبعا الحروف المقطعة في القرءان هنلاقي بعد إجراء تحليل التكرارات والمعروف باسم frequency Analysis هنلاقي الحروف المقطعة دايما بتتكرر بعدد من مضاعفات ال19 في السور بتاعتها. (الفصل الرابع فيه تفاصيل عن المقطعات)
زي مثلا حروف "ي" و "س" اتكررت 285 مرة في سورة يس اللي بادئة ب "يس" والعدد 285 هو 19×15 يعني الموضوع دا طويل بس المهم هنا إني بحاول أفهم طيب حتى لو هو مبني على مضاعفات ال19 ليه بالذات مضروب في 6؟ يعني ليه 6×19 مش 5×19 أو 7×19 أو أي رقم تاني؟
الجزء الثاني: الأعداد الأولية
لقيت السر جوة الأعداد الأولية أصلا، بما إن 19 رقم أولي يعني ما يقبلش القسمة على أي رقم تاني غير نفسه ورقم الواحد. الأعداد الأولية هي عفاريت الرياضيات اللي شايلة الإنترنت حرفيا. الأعداد الأولية دي باختصار هي "ذرات" الحساب؛ أرقام عنيدة ومقفولة على نفسها، ما بتقبلش القسمة غير على نفسها والواحد بس. تبان فكرة بسيطة وساذجة، بس هي اللي ممشية العالم الرقمي كله.
الجزء التالت: 6 في الموسيقى
المهم خلينا نركز في الأرقام الأولية عشان نعرف ليه 19 مضروبة في 6 بالذات ونشوف خصائص ال6 وعلاقتها إيه أصلا بالأرقام الأولية وإيه اللي دخل الليلة دي كلها في القرءان؟
إحنا أول حاجة هنلاحظها هنا هي إن ال 6 حاصل ضرب أول رقمين أوليين 2×3 واللي هم أول رقم زوجي وأول رقم فردي في قائمة الأرقام الأولية دا بالنسبة للرياضيات شيء بديهي بس حتى رقم ال 6 داخل في حياة الإنسان العادي ويا ريته وقف عند الإنسان دا هو أصلا داخل في حياة أي كائن حي على وش الأرض. والله زمبؤلك كدا ، يعني لو مافيش الرقم 6 دا، يبقى مافيش حياة أصلا. فعشان أفهم ليه كان لازم أطلع في رحلة عجيبة مع الرقم 6 وأحاول أفهمه عشان يفهمني أكتر ليه هو بالذات تم اختياره عشان يتكرر 19 مرة ويكون عدد سور القرءان.
الجزء الرابع: أساسيات الرقم 6
فلقيت بقى إني لازم فعلا أطلع الرحلة مع الرقم 6 وأشوف حكايته من البداية وخاصة إني فاكر زمان وأنا صغير لما كنا بنقيس النظر كان الدكتور بيقول النظر 6/6 وحتى المكعب بيكون له 6 وشوش عشان كدا رمي الزهر أقصى رقم يتجاب فيه هو 6 واللي بيلعب طاولة عارف الدش اللي هو 6 و 6.
فلما دخلت ع الرياضيات بقى ليقت إنه معروف بإنه أول رقم مثالي يقابلنا، ومع الأسف زي ما البشر المثاليين قليلين جدا فالأرقام المثالية ما اختلفتش عن النظام وهي كمان قليلة جدا: يعني رقم بيساوي مجموع كل قواسمه (ما عدا نفسه). على سبيل المثال، قواسم 6 هي 1 و 2 و 3 ولو جمعناهم هنلاقي 1+2+3 = 6، وعلشان كدا 6 هو أول عدد عرفه الرياضيين إنه مثالي.
الجزء الخامس: رقم 6 في الهندسة
فقلت أكيد الهندسة بقى أساسها أصلا الرياضيات، فأكيد هنلاقي الهندسة خدت بالها من الرقم 6 ولا أنا متعشم بزيادة؟
أول حاجة بيعرفها أي شخص لسة هايتعلم الهندسة إن الخط المستقيم 180 درجة أو 30×6 والزاوية القائمة 90 درجة أو 15×6 وأعلى الدرجات اللي هي الدايرة 360 درجة أو 6×6×10.
اختيار 360 درجة للدائرة مش صدفة، دا رقم قابل للقسمة على أرقام كتير (منها 6) بسهولة، وبيسهل تقسيم الدواير لزوايا منتظمة. وملاحظة جانبية كدا لما القرءان اختار يوصف الله في وصف قال عنه "رفيع الدرجـــت" وقيمة حروف كلمة رفيع الرقمية هي: 70+80+10+200 = 360 أو.
الجزء السادس: تقسيم الوقت بناء على رقم 6
الوقت اللي بنقسمه بالساعات والدقايق والثواني فيه دور كبير للرقم 6. اليوم فيه 24 ساعة، والساعة فيها 60 دقيقة، والدقيقة فيها 60 ثانية وكل الأرقام دي مضاعفات للرقم 6 بشكل مباشر.
لو فكرت فيها 24 ساعة في اليوم هي 4x6 ، والساعة 60 دقيقة هي 10x6 ، والدقيقة 60 ثانية برضه 6×10.
الجزء السابع: 6 في الكيمياء
في الكيميا كمان الرقم 6 ليه ظهور مهم جدا. عنصر الكربون (Carbon) ، اللي هو يمكن أهم عنصر في تكوين الحياة على الأرض، رقمه الذري هو 6.
الجزء الثامن: الرقم 6 في الدين
طبعا بالنسبة للدين بقى هنلاقي التوراة والإنجيل والقرءان متفقين على أن الخلق تم في 6 أيام، واليوم هو وحدة قياس نسبية، يعني نقدر نقول 6 وحدات زمنية.
إِنَّ رَبَّكُمُ اللَّهُ الَّذِي خَلَقَ السَّمَوتِ وَالْأَرْضَ فِي سِتَّةِ أَيَّامٍ
الجزء التاسع: علاقة 6 بالهيكل الأساسي للقرءان
المهم بقى إن الآية اللي في بداية كل سورة البسملة قيم حروفها الرقمية 786
بس دا مش كل شيء : إحنا لو شفنا قيمة حروف كل كلمة رقميا لوحدها هنلاقي
- بسم: 102
- الله: 66
- الرحمن: 329
- الرحيم: 289
وهنلاقي طبعا قيمة 66 اللي بتمثل حروف "ا ل ل هـ" تساوي 6 × 11
وهنلاقي قيمة 102 اللي بتمثل حروف "ب س م" تساوي 6 × 17
وهنلاقي قيمة 684 اللي بتمثل حروف ا ل ر ح م ن ا ل ر ح ي م تساوي 6 × 114 أو 6 × 6 × 19
ولو جمعنا خانات ال19 رقم بتوع البسملة هنلاقي:
2+6+0+4+0+1+3+0+3+0+5+1+3+0+2+0+0+8+4+0+5+0+1+3+0+2+0+0+8+1+0+4+0
تساوي 66 وهي قيمة حروف كلمة "الله" وهي 6×11
وطبعا مش محتاجة توضيح إن الاسمين اللي تم اختيارهم من الأسماء الحسنى كل اسم منهم 6 حروف: الرحمن الرحيم
الطريف بقى إن أكثر تقسيم عالمي شائع لكتب الإنجيل بيقول إنهم 66 كتاب، لو مش مصدق دور بنفسك، طبعا فيه اختلافات بين المذاهب المسيحية ولكن تقسيم 66 كتاب معروف جدا عالميا.
هنبص بقى على خاصية تانية في هيكل القرءان وهي الحروف المقطعة وهنلاقيهم ظهروا في 29 سورة ودا برضه رقم أولي وليه قصة تانية مش مجالها هنا دلوقتي.
المهم السور دي أرقامها:
2,3,7,10,11,12,13,14,15,19,20,26,27,28,29,30,31,32,36,38,40,41,42,43,44,45,46,50,68
لو جمعناهم هنلاقي المجموع 822 أو 6 × 137
دا غير طبعا إن الحروف المقطعة ظهروا كلهم مجتمعين في 114 آية فقط من آيات القرءان وخلاص مش هاكرر الرقم دا بيمثل إيه بالنسبة للقرءان.
بص بقى على جدول الأرقام الأولية:
تلاقي إن ال137 ترتيبه ال33 اللي هي نص ال 66
طبعا كمان الأرقام ال 19 اللي بتمثل حروف البسملة مكونين من 33 خانة
40 10 8 200 30 1 50 40 8 200 30 15 30 30 1 40 60 2
عدهم بنفسك!
طبعا الرقم 137 له أهمية كبيرة في الفيزياء الحديثة اسمه مرتبط بـ ثابت البناء الدقيق (Fine-structure constant) ويرمز له بالرمز: a (ألفا)
قيمته التقريبية: 1 / 137.035999...
يعني: هو مش 1 على 137 بالضبط، هو كسر قريب من 1 على 137.
الثابت دا بيقيس: قوة التفاعل الكهرومغناطيسي يعني مدى "تشابك" الضوء مع المادة.
بدونه:
- الذرات ما تستقرش
- الإلكترونات ما تمسكش في مدارات
- الكيمياء تنهار
- الحياة مستحيلة
فببساطة: ده زر الصوت الأساسي للكون الكهرومغناطيسي.
طب ريتشارد فاينمان قال إيه بقى؟
فاینمان مكانش مهووس بالرقم أكثر من العلماء لكنه كان منزعج فلسفيًا منه.
قال كلام معناه: ليه قيمة الثابت كدا بالضبط؟ ليه مش 1/50 أو 1/500؟ ليه الرقم الغريب دا؟
وسخر مرة وقال: اكتبوا 137 على باب معامل الفيزياء .... هو اللغز اللي لسة ما حليناهوش عشان مافيش تفسير للرقم دا.
المهم يعني إن الرقم دا مرتبط ارتباط عمیق كمان بالبسملة بس دا له قصة تانية خالص.
وهنلاقي الأرقام اللي استخدمناها كلها أرقام أولية:
- 19 لما ضربناه في 6 أنتج عدد سور القرءان
- 11 لما ضربناه في 6 هو القيمة العددية لحروف كلمة "الله"
- 17 لما ضربناه في 6 أنتج لنا 102 قيمة أول كلمة في القرءان "بسم"
- 131 لما ضربناه في 6 أنتج لنا قيمة 786 اللي هي قيمة البسملة رقميا وهي أول آية في القرءان
- 137 لما ضربناه في 6 أنتج لنا 822 ودا مجموع أرقام السور اللي ظهرت فيها الحروف المقطعة في القرءان
لو بصينا على البسملة تاني هنلاقي أول حرف فيها قيمته 2 (ب) وآخر حرف فيها قيمته 40 (مـ) فلو جمعنا الرقمين يدينا 42 أو 6x7 ولو طرحناهم يدينا 38 أو 2×19 وهنا بتتقابل ال 6 مع ال19 تاني.
وعامة القرءان ختم بآخر حرف فيه هو حرف السين من كلمة الناس وقيمته الرقمية 60 أو 6×10
تنويه بسيط: كل عمليات الضرب تمت بدون أي عنف.
هيكل القرءان
بالنسبة لهيكل القرءان الأساسي فيه خاصيتين مهمتين :
- كل السور بادئة بالبسملة ومش مرقمة
- ما عدا سورتين سورة رقم (1) البسملة فيها مرقمة
- وسورة رقم (9) والبسملة فيها اتلغت واتشالت خالص
- وسورة رقم (27 ) والبسملة فيها ظهرت تاني جوة السورة في آية رقم 30 ودي ما حصلتش في أي سورة تانية
طبعا باين من الاستثنائين دول إن السورتين اللي فيهم معاملة خاصة لترقيم للبسملة هم 1 و 9 ودول الخانات اللي بتكون 19
والسورتين اللي فيهم معاملة خاصة لظهور أو اختفاء البسملة رقمهم: 9 و 27 والرقمين دول مجموعهم 36 أو 6×6
وخاصية تانية إن فيه 29 سورة بادئين بحروف مقطعة.
أكبر عدد من الحروف دي ظهر في سورتين
- سورة رقم 19 ودا 1×19 (فيها كهيعص)
- سورة رقم 42 ودا 6x7 (فيها حم عسق مقسومين على آيتين ودي السورة الوحيدة اللي فيها آيتين فيهم حروف مقطعة)
وهنلاقي إن أكثر مجموعة اتكررت هي "حم" في 7 سور من سورة رقم 40 ل سورة رقم 46
والقيمة الرقمية ل "حم" هي 48 أو 6×2×2×2
طبعا الأرقام الصحيحة في القرءان هم 30 رقم صحيح أو 6x5 ورقم 19 اتذكر في آية رقم 30 والبسملة الوحيدة اللي ظهرت جوة سورة في القرءان ظهرت في سورة النمل آية 30.
طبعا لو بدئنا العد من السورة ال 9 اللي اختفت فيها البسملة من أولها هنلاقي السورة رقم 27 هي السورة رقم 19 واللي ظهرت فيها بسملة جوة آيات السورة
9,10,11,12,13,14,15,16,17,18,19,20,21,22,23,24,25,26,27
74:30 عَلَيْهَا تِسْعَةَ عَشَرَ
27:30 إِنَّهُ مِن سُلَيْمَنَ وَإِنَّهُ بِسْمِ اللَّهِ الرَّحْمَنِ الرَّحِيمِ
فلو بدئنا العد من 27 هنلاقي إن السورة رقم 48 (6×8) هي السورة 74
27,28,29,30,31,32,33,34,35,36,37,38,39,40,41,42,43,44,45,46,47,48,49,50,51,52,53,54,55, 56,57,58,59,60,61,62,63,64,65,66,67,68,69,70,71,72,73,74
المهم بقى إن دا مش كل شيء، دا مجرد الهيكل الأساسي اللي ما عليهوش أي خلاف.
البحث طويل ولسة فيه نقط كتير تانية بنحاول نغطيها بشكل يكون كامل ولكن اللي وصلنا له بيوضح بما لا يقبل الشك إن ال6 هي اللي تم اختيارها عشان تبقى رقم الكربون الذري وهو الأساس اللي بنى الله عليه الحياة بالشكل اللي نعرفه وإن القرءان مبني بنفس الأساس وهو الرقم 6 ومضاعفاتها من الأرقام الأولية خاصة.
اللطيف بقى في الرقم 19 إنه بيشمل ال 1 وال 9 اللي هم باستثناء الصفر هم أصغر وأكبر خانة في الأرقام اللي بخانة واحدة.
لو شوفنا بقى قيمة حروف كلمة "واحد" الرقمية هنلاقي: و (6) + ا (1) + ح ( 8 ) + د (4) = 19.
خد بالك بقى إن ال 114 مكونة من 66 أو 6×11 قيمة حروف كلمة الله رقميا و 48 اللي هي حاصل ضرب 6x8 صح؟
لو سألنا نفسنا ليه 66 و 48؟ هنلاقي الإجابة في رقم 11: مجموع الأرقام من 1 ل 11 هو 66 ومجموع الخانات المكونة للأرقام من 1 ل 11 هو 48. والرقمين مع بعض 66+48=114
طب إحنا قلنا إن مجموع خانات ال19 رقم هو 66
2+6+0+4+0+1+3+0+3+0+5+1+3+0+2+0+0+8+4+0+5+0+1+3+0+2+0+0+8+1+0+4+0
تساوي 66 وهي قيمة حروف كلمة "الله" وهي 6×11
بس بص بقى على البسلمة ككلمات هتلاقيهم أربع كلمات قيمتهم بترتيبهم
102
66
329
289
لو بصينا هنلاقيهم 11 خانة ومجموعهم
1+0+2+6+6+3+2+9+2+8+9 = 48 أو 6×8 زي ما قلنا
يبقى البسملة تقدر تبص لها نظرتين
1: مرة ك19 حرف مستقل قيمتهم بالترتيب
40 10 8 200 30 1 50 40 8 200 30 15 30 30 1 40 60 2
وهم 33 خانة
مجموعهم (2+6+0+4+0+1+8+0+0+2+0+3+1+5+0+4+8+0+0+2+0+3+1+5+0+3+0+3+1+0+4+0+6) = 66 أو 11×6 زي ما حسبنا
2 مرة ك 4 كلمات منفصلة كل كلمة لها قيمة رقمية
102 66 329 289
وهم 11 خانة مجموعهم (1+0+2+6+6+3+2+9+2+8+9) = 48 أو 6×8 زي ما حسبنا، دا غير لو قسمنا البسملة نصين هنلاقي:
النص الأول 168، بسم الله 102+66
والنص التاني 618 ، الرحمن الرحيم 329+289
طبعا غني عن التعريف إن 168 و 618 الاتنين مقسومين على 6 والاتنين أرقام بتشاور للنسبة الذهبية بطريقة الأرقام الصحيحة عشان مش هاينفع نشاور عليها بالكسور، بس عشان نؤكد إنها لها علاقة بالنسبة الذهبية هنبص على جذر الرقم 0.618 الرقم 618 هو الكسر العشري لـ فاي - 1 ≈ 0.618 أو 0.7861297602813418 ≈ 0.786 وطبعا باين بعد العلامة العشرية أول 3 خانات هم ال 786 قيمة البسملة ككل.
بس كدا والرحلة مالهاش نهاية بس المهم إن تاريخ النشر 29 من شهر 11 والرقمين من الأرقام الأولية -
ولو بصينا للرقم الأولي رقم 12 (2×6) أو (6+6) هنلاقيه 37، وهنلاقي في سورة رقم 37 آية رقم 37 بيؤكد وبيقول: بل جاء بالحق وصدق المرسلين ردا على قولهم:
إِنَّهُمْ كَانُوا إِذَا قِيلَ لَهُمْ لَا إِلَهَ إِلَّا اللَّهُ يَسْتَكْبِرُونَ (٣٥) وَيَقُولُونَ أَئِنَّا لَتَارِكُوا ءَالِهَتِنَا لِشَاعِرٍ مَّجْنُونٍ (٣٦) بَلْ جَاءَ بِالْحَقِّ وَصَدَّقَ الْمُرْسَلِينَ (۳۷)
وأما الرقم الأولي اللي ترتيبه 6 هنلاقيه 13 وهنلاقي الآية 13 من السورة 13 بتقول:
وَيُسَبِّحُ الرَّعْدُ بِحَمْدِهِ ۚ وَالْمَلَئِكَةُ مِنْ خِيفَتِهِ وَيُرْسِلُ الصَّوعِقَ فَيُصِيبُ بِهَا مَن يَشَاءُ وَهُمْ يُجَدِلُونَ فِي اللَّهِ وَهُوَ شَدِيدُ الْمِحَالِ (۱۳)